Dizelga muqobil: Mercedes-Benz GenH2 vodorod yuk mashinalari 225 ming kilometr yo‘l bosgan

Daimler Truck o‘zining GenH2 vodorod yuk mashinalari sinovlarining birinchi yilini yakunladi. Beshta prototip 225 ming kilometrdan ortiq masofani bosib o‘tdi. Yuk mashinalari Germaniyadagi turli kompaniyalarda real sharoitlarda ishlagan. Vodorodning o‘rtacha sarfi yuklama va sharoitga qarab 100 km uchun 5,6 dan 8 kg gacha bo‘lgan. Avtopoyezdning to‘liq og‘irligi 16 tonnadan 34 tonnagacha bo‘lgan.

Prototiplar Vert-na-Reyn va Duysburg tumanidagi stansiyalarda suyuq vodorod bilan to‘ldirildi. 15 tonnaga yaqin vodoroddan foydalanib, jami 285 ta yoqilg‘i quyish shoxobchasi qurildi. 40 kg li ikkita bak bir vaqtning o‘zida ko‘p yonilg‘i quyish imkonini beradi, shuning uchun yurish masofasi 1000 km dan oshadi, yonilg‘i quyish uchun esa 15 daqiqadan ko‘p vaqt ketmaydi. Taqqoslash uchun, to‘liq og‘irligi 25,6 tonna bo‘lgan dizel yuk mashinasi 225 ming kilometr masofani bosib o‘tish uchun taxminan 58 tonna yoqilg‘i sarflashi kerak bo‘ladi, CO2 chiqindilari esa 154 tonnani tashkil qiladi.

Cellcentric — Daimler Truck va Volvo Group qo‘shma korxonasi tomonidan ishlab chiqarilgan yoqilg‘i elementlari yuk mashinalarida o‘zining samaradorligini ko‘rsatdi. Mijozlarning ta’kidlashicha, vodorodli yuk mashinalarini boshqarish xuddi dizel yuk mashinalaridek qulay ekan. 2025-yilning to‘rtinchi choragidan boshlab, xuddi shu shatakchilar va beshta yangi mijoz ishtirokida sinovlarning ikkinchi bosqichi boshlanadi. Maqsad turli sharoitlarda ishlashni tekshirish va yuk mashinalarini ommaviy ishlab chiqarishga tayyorlashdan iborat.
Daimler Truck allaqachon yoqilg‘i elementlarida ishlaydigan keyingi avlod yuk mashinalarini ishlab chiqishni boshlagan: 2026-yil oxirigacha 100 ta yangi shatakchi yig‘ishni rejalashtirmoqda.