Kosmonopoliya: Mask kuniga bir nechta Starship’ni uchirmoqchi va bozorning 99 foizini egallamoqchi

Ilon Mask SpaceX’ning keng ko‘lamli o‘sish rejalarini e’lon qildi: yaqin yillarda Starship’ni kuniga bir necha marta uchirish rejalashtirilgan.

Maskning so‘zlariga ko‘ra, bunday chastotada SpaceX raqobatchilar hozirgi ko‘rsatkichlarni uch baravar oshirsa ham, butun dunyodagi foydali yukning taxminan 99 foizini nazorat qiladi.

Nashr SpaceX direktorlar kengashi a’zosi Stiv Jurvetson tomonidan taqdim etilgan yangi hisobotga munosabat bo‘ldi. Uchinchi chorakda kompaniya AQShdan orbitaga yuborilgan barcha massaning 97 foizini, global miqyosda esa 83 foizini ta’minladi. Xitoyning sakkizta raketasi atigi 8,6 foizni tashkil etdi.

Agar SpaceX kunlik parvozlar rejasini bajarsa, kosmik xizmatlar bozori tarixda birinchi marta bir qo‘lda to‘planishi mumkin.

Avvalroq Ship 39 korpusi deyarli yakuniy ko‘rinishga keltirilgani ma’lum qilingandi: muhandislarga faqat pastki qanotlarni montaj qilish qolgan, shundan so‘ng apparatni sinovlarga o‘tkazish mumkin bo‘ladi.