Ovozli tinglash
Krafton kompaniyasi PUBG: Black Budget - PlayerUnknown’s seriyasining yangi o‘yinini e’lon qildi, faqat bu safar biroz boshqacha janrda. Yangi loyiha ekstraksion otishma bo‘ladi, original PUBG: Battlegrounds esa qirollik jangini ifodalaydi.
Black Budget o‘yinlari vaqt sirtmog‘ida qolgan sirli orolda bo‘lib o‘tadi, u yerda o‘yinchilar artefaktlarni qidirishlari, boshqa o‘yinchilar va orolning o‘zidagi maxluqlar bilan kurashishlari kerak bo‘ladi.
O‘yinchilarga taxminan 2,5 x 2,5 km o‘lchamdagi xarita taqdim etiladi. Reydlar taxminan 30 daqiqa davom etadi. Qizig‘i shundaki, o‘yin ichida hali ham o‘sha qirollik jangi elementi bo‘ladi, chunki ishlab chiquvchilar mahalliy Anomaliya o‘yin zonasini kamaytirishi haqida gapirishmoqda.
Reliz sanasi hozircha noma’lum, yopiq beta-test esa 12-14-dekabr va 19-21-dekabr kunlari bo‘lib o‘tadi. O‘yin allaqachon Steamda ro‘yxatdan o‘tgan. Minimal talablarda GeForce RTX 2060 va 16 GB tezkor xotira ko‘rsatilgan.
Ijtimoiy tarmoqlar:
Barcha huquqlar himoyalangan © ProgrammSoft 2025