Samsung Galaxy S25 FE Galaxy S24 FE’dan yupqaroq bo‘ladi, lekin tezroq emas

Samsung Galaxy S25 flagman smartfonlari qatori allaqachon taqdim etilgan, ammo hali to‘liq shakllanmagan: u joriy yilning kuzida Galaxy S25 FE byudjet flagmani chiqishi bilan to‘liq ko‘rinishga ega bo‘ladi. Yangi ma’lumotlarga ko‘ra, ushbu model o‘zidan oldingi model - Galaxy S24 FE’dan yupqaroq bo‘lishi mumkin. Galaxy S24 FE va oldingi Fan Edition modellari kabi qattiq taglikka ega bo‘lmagan yangi OLED-panel bunga imkon beradi.

Ma’lum qilinishicha, yangi ekranga o‘tish smartfon qalinligini 8 mm dan 7,4 mm gacha kamaytirish imkonini beradi. Biroq bu akkumulyator sig‘imiga hech qanday ta’sir ko‘rsatmaydi - u 4700 mA/soatni tashkil etadi.

Kuni kecha Galaxy S25 FE, SM-S731U katalog raqami bilan belgilangan, Geekbench’da sinovdan o‘tkazildi va u Galaxy S24 FE darajasidagi samaradorlikni ko‘rsatdi. Shu bilan birga, Galaxy S25 FE SoC Exynos 9400 oladi va Galaxy S24 FE bir kristalli Exynos 2400e tizimiga asoslanadi. Boshqacha aytganda, Galaxy S25 FE’ning oldingi modelga nisbatan unumdorligi oshishiga umid qilmasa ham bo‘ladi.

Samsung Galaxy S25 FE qutisidan One UI 8 interfeysli Android 16 oladi. Smartfon diagonali 6,7 dyuym, kadrlar chastotasi 120 Gs va Full HD+ aniqlikdagi AMOLED ekrani, 50, 12 va 8 megapikselli datchiklarga ega kamera, 45 vattli zaryadga ega. Samsung Galaxy S25 FE oktyabr oyida chiqishi kutilmoqda.