Changan kompaniyasining beş eşikli Lumin Plus elektromobili rasmiy taqdimotdan oldin Xitoy böylab dilerlik markazlariga yetib keldi. Bu haqda CarNewsChina naşri xabar berdi. Model 2022-yil iyun oyida sotuvga çiqqan uç eşikli Lumin xetçbekining uzaytirilgan versiyasi bölib, Xitoy bozoriga 2026-yil noyabr oyida çiqadi.
Yangi avtomobilning uzunligi 3515 mm, kengligi 1715 mm, balandligi 1545 mm, ğildiraklar oraliği esa 2200 mm ni taşkil etadi. Kuzov uç eşikli versiyaga nisbatan 245 mm uzunroq bölib, bu orqa qatordagi yolövçilar uçun oyoq qöyiş joyini kengaytirgan. Taşqi körinişda yumaloq faralar va katta havo oliş teşigi saqlab qolingan, unga yana ikkita eşik va haqiqiy eşik tutqiçlari qöşilgan.
Dilerlarga kumuş rangli kuzov va jigarrang salonli nusxa yetkazilgan. Salonda D şaklidagi uç spitsali rul örnatilgan, orqa örindiqlar esa 5/5 nisbatda bölinib, tekis yotqiziladi.
Lumin Plus 35 kVt (47 ot kuçi) quvvatli bitta elektr motor bilan jihozlangan. Yuriş zaxirasi CLTC sikli böyiça 205–301 km, WLTP böyiça esa taxminan 168–247 km. Yangi versiyaning narxi hali e’lon qilinmagan. Uç eşikli Lumin 2022-yilda 48 900 yuan (7340 dollar) boşlanğiç narx bilan sotuvga çiqqan edi.
China EV DataTracker ma’lumotlariga köra, Changan jami 552 599 ta Lumin xetçbekini yetkazib bergan. Biroq 2026-yil yanvar–sentabr oylarida modelning Xitoydagi yetkazib berişlari 38 064 tani taşkil etib, ötgan yilning şu davriga nisbatan 69,4 foizga kamaygan.
Barça yangiliklar
Mavzuga oid yangiliklar
Ijtimoiy tarmoqlar:
Barça huquqlar himoyalangan ©
Render Systems 2022-2026