Samsung Galaxy S25 Ultra bor - qolganlari ham bor. Samsung flagmani Xiaomi 15 Ultra, Vivo X200 Ultra va Oppo Find X8 Ultra’dan 8 barobar yaxshiroq sotilmoqda.

Samsung Galaxy S25 Ultra’da na dyuymli tasvir sensori, na 6000 mA/soat quvvatga ega akkumulyator bor, ammo bu uning yaxshi sotilishiga to‘sqinlik qilmaydi. Bozordagi boshqa "Ultra" smartfonlari bilan taqqoslaganda esa - hatto a’lo darajada sotilmoqda.

2025-yil may oyi oxiriga kelib Samsung 8,39 million dona Galaxy S25 Ultra sotdi. Shu bilan birga, so‘nggi ma’lumotlarga ko‘ra (joriy yilning iyun oyi oxiri holatiga ko‘ra), Xiaomi 15 Ultra 586 000 dona, Vivo X200 Ultra 219 000 dona, Oppo Find X8 Ultra 210 000 dona sotilgan. Ya’ni Galaxy S25 Ultra bu modellarning barchasidan taxminan 8 barobar yaxshiroq sotilmoqda.

Xitoy brendlarining flagmanlari xususiyatlari va texnologiyalari jihatidan Galaxy S25 Ultra fonida foydali ko‘rinsa-da, ularning sotuv geografiyasi keskin cheklangan - asosan uy bozori. Chet elda sotiladigan qurilmalar esa (masalan, Xiaomi 15 Ultra) o‘z vatanidagidan taxminan ikki baravar qimmat. Shuning uchun Xitoy brendlari birlashgan taqdirda ham Samsung‘ga qarshi jang qila olmaydi.