Ilon Mask Twitter xodimlarining yarmini ishdan bo‘shatishni rejalashtirmoqda

Twitter’ning yangi egasi bo‘lgan Ilon Mask kompaniya xodimlarining yarmiga yaqinini ishdan bo‘shatishni rejalashtirmoqda. Bu haqda Bloomberg o‘z manbalariga tayanib xabar berdi.

Ularga ko‘ra, Twitter’ning 7,5 ming xodimidan 3,7 mingga yaqini qisqartirishlar ostida qoladi. Kompaniya, shuningdek, shtatda qolgan xodimlarga masofadan ishlashni taqiqlaydi. Agentlik manbalariga ko'ra, bunday chora-tadbirlar xarajatlarni kamaytirishga qaratilgan. Agentlikning qayd etishicha, Twitter hozircha izoh so‘roviga javob bermagan.

27-oktabr kuni Mask xuddi shu nomdagi ijtimoiy tarmoqqa egalik qiluvchi Twitter’ni sotib olish bo‘yicha kelishuvni yakunladi. Yangi egasi foydalanuvchilarni doimiy ravishda blokirovka qilish amaliyotini tugatishi kutilmoqda. Tadbirkor Twitter moderatsiyasi masalasini o‘rganadigan maxsus kengash tuzayotganini ma’lum qildi. Uning ta'kidlashicha, "ijtimoiy tarmoqlardagi kontentni boshqarish kengashi turli qarashlar vakillarini o'z ichiga oladi" va "nafratdan kelib chiqqan zo'ravonlikka" duch kelayotgan inson huquqlari tashkilotlari va ozchiliklarni o'z ichiga oladi.