WhatsApp-dagi eng shaxsiy yozishmalar endi xavfsiz. "Suhbatni yopish" funksiyasi taqdim etildi

WhatsApp messenjerini ishlab chiqish guruhi ilovaning yangi funksiyalariga bag'ishlangan press-relizni e'lon qildi.

Endi messenjerda "suhbatni yopish" deb nomlangan xususiyat mavjud. Bu foydalanuvchilarga eng shaxsiy suhbatlarini himoya qilish imkonini beruvchi yechim.

Suhbatni yopganingizdan so'ng, u asosiy ekrandan alohida papkaga ko'chiriladi. Uni ochish uchun siz qurilmaning parolini kiritishingiz yoki barmoq izi kabi biometrik ma'lumotlarni skanerlashingiz kerak bo'ladi. Bundan tashqari, yopiq suhbatlardagi xabarlarning mazmuni avtomatik ravishda bildirishnomalarda ham yashirin bo'ladi. 

Bizning fikrimizcha, bu xususiyat telefoningizni biron sababga ko'ra yaqiningizga yoki boshqa odamga uzatadigan holatlarda foydali bo'ladi va aynan shu vaqtda sizga juda shaxsiy xabar keladi. Suhbatni yopish uchun shaxsiy yozishmalardagi suhbatdoshning ismini yoki guruh nomini bosing va tegishli variantni tanlang. Yopiq suhbatlarni chat ekranida ko'rinadigan qilish uchun barmog'ingizni sekin suring, telefon parolini kiriting yoki biometrik ma'lumotlarni skanerlang

Shuningdek, ishlab chiquvchilar kelgusi oylarda ushbu yangi xususiyat uchun yangi imkoniyatlar qo'shilishini xabar qilishmoqda. Shu jumladan, tegishli qurilmalarda chatlarni yopish va telefon parolini almashtirish uchun noyob yopiq chat parolini yaratish.