Starlink ma'lumotlar hajmiga cheklov kiritadi

Starlink mijozlarga yuklab olish uchun taqdim etiladigan cheksiz miqdordagi ma'lumotlarni bosqichma-bosqich bekor qilishni rejalashtirmoqda. U bu haqda noyabr oyida e'lon qilgan, keyin esa joriy yilning dekabr oyidan boshlab cheklov joriy etishni rejalashtirgan. Ammo endi kompaniya saytida ushbu cheklov faqat kelasi yilning fevral oyida kuchga kirishi haqida xabar berilgan: aniqki, Ilon Mask o‘zining sun’iy yo‘ldosh interneti foydalanuvchilari uchun yangi yil bayramlarini buzmaslikka qaror qildi.

2023-yilning fevral oyidan boshlab, sayt AQSh va Kanadadagi mijozlar uchun yuklab olish uchun oyiga 1TB cheklov qo‘yadigan “adolatli foydalanish siyosati”ni joriy qiladi. Ushbu chegaradan oshib ketgandan so'ng, yuklab olish tezligi sezilarli darajada pasayadi. Starlink ma'lumotlariga ko'ra, bu infratuzilmaga yukni kamaytirish maqsadida, ya'ni "odatiy darajada katta hajmdagi ma'lumotlarni iste'mol qiladigan oz sonli foydalanuvchilar barcha tarmoq mijozlariga salbiy ta'sir ko'rsatmasligi" uchun joriy qilingan.