SpaceX orbitaga to‘rt tonnalik "kosmik smartfon"ni yubordi

SpaceX Commercial GTO-1 missiyasi doirasida noma’lum foydali yuk bilan Falcon 9 raketasini muvaffaqiyatli uchirdi. 13-iyul kuni mahalliy vaqt bilan tungi soat 1:04 da (Moskva vaqti bilan 08:04) Falcon 9 raketasi Florida shtatidagi Kanaveral burnidagi SLC-40 kosmodromidan uchirildi. Uchirish muvaffaqiyatli amalga oshirildi, kosmik kema allaqachon Yer orbitasiga olib chiqilgan.

SpaceX o‘z mijozini oshkor qilmadi, biroq NextSpaceflight ma’lumotlariga ko‘ra, foydali yuk Israel Aerospace Industries (IAI) tomonidan ishlab chiqilgan 4 tonnalik Dror-1 aloqa sun’iy yo‘ldoshi bo‘lgan. Kosmik apparat Isroil texnologiyalari asosida yaratilgan bo‘lib, ilg‘or raqamli kommunikatsiya tizimlari va "kosmik smartfon" imkoniyatlari bilan jihozlangan. U 15 yil ishlashga mo‘ljallangan bo‘lib, Isroilning kelajakdagi aloqa ehtiyojlarini qondirish uchun mo‘ljallangan.

13-marta foydalanilgan 1-bosqich V1083 parvoz topshirig‘ini bajargandan so‘ng Atlantika okeani akvatoriyasida joylashgan JRTI platformasiga qo‘ndi.