Samsung Galaxy Watch Ultra 2025 aqlli soatlari taqdim etildi

Samsung bugun o‘zining flagman aqlli soatlarining yangi avlodi - Galaxy Watch Ultra 2025’ni rasman taqdim etdi.

Yangilik 480 x 480 pikselli katta 1,5 dyuymli AMOLED dumaloq ekranga va titan qotishmasidan yasalgan korpusga ega bo‘ldi. 10ATM sertifikati shuni anglatadiki, qurilma niqob va kurakchalar bilan suzish va sho‘ng‘ish uchun mos keladi, shuningdek, IP68 darajasi va MIL-STD-810H Amerika harbiy standarti talablariga muvofiq himoya mavjud. Ekran himoyasini yoqut shisha ta’minlaydi.

Apparat platformasining asosini 3 nanometrli SoC Exynos W1000 tashkil etadi, tezkor xotira hajmi - 2 GB, o‘rnatilgan flesh-xotira 64 GB ni tashkil etadi, bu xaritalar (o‘rnatilgan GPS qabul qilgichi mavjud) va musiqa uchun yetarli bo‘lishi kerak. BioActive moduli yurak urishi va EKGni qayd etish, shuningdek, SpO2 va haroratni aniqlash uchun javobgardir. Akkumulyator sig‘imi 590 mA/soat, simsiz quvvatlash imkoniyati mavjud. O‘lchamlari - 47,1 × 47,4 × 12,1 mm, og‘irligi - 60,5 gramm.

One UI 8 Watch mikrodasturida yangi funksiyalar paydo bo‘ldi:

• Uyquga oid maslahatlar: sirkad ritm asosida uyquga ketishning optimal vaqtini aniqlaydi;
• Qon tomir yuklamasi monitoringi: uyqu paytida yurak-qon tomir tizimining stress darajasini tahlil qilish;
• Antioksidantlar indeksi: turmush tarzini baholash;
• Yugurish murabbiyi: moslashtirilgan mashg‘ulot rejalarini tuzadi va real vaqt rejimida tavsiyalar beradi.

Bugundan boshlab oldindan buyurtmalar qabul qilinadi, chakana savdo 25 iyuldan boshlanadi. Narxi - 650 dollar (AQSH).