Samsung beshta mashhur smartfonlari va bitta planshet uchun yangilanishlarni chiqarishni to'xtatdi (ro'yxat)

Samsung o'zining smartfonlari uchun ancha uzoq dasturiy ta'minotni qo'llab-quvvatlashi bilan mashhur, ammo bu cheksiz emas: kompaniya beshta smartfon modeli va bitta planshet uchun yangi proshivka versiyalarini chiqarishni to'xtatganini e'lon qildi.

Bu smartfonlar Galaxy Fold (birinchi avlod buklanadigan flagmani), Galaxy A20s, Galaxy A30s, Galaxy A50s va Galaxy A70s. 2019-yil oktabr oyida sotuvga chiqarilgan Galaxy Tab Active Pro ham endi yangilanmaydi.

Kompaniya shuningdek, Galaxy M liniyasining ikkita mashhur modeli - Galaxy M22 va Galaxy M52 5G uchun yangilanishlar chastotasini pasaytirmoqda. Ushbu qurilmalar kelgusi yil davomida faqat ikkita dasturiy yangilanish oladi. Bu shuni anglatadiki, Galaxy M22 va Galaxy M52 Android 14 asosidagi One UI 6.0 ni olmaydi.