Messi oltin iPhone-ni Xiaomi-ga almashtiradimi? Argentina futbol terma jamoasining homiysi taniqli Xitoylik smartfon ishlab chiqaruvchisi bo'ldi

Xiaomi kompaniyasi Argentina futbol assotsiatsiyasi bilan hamkorlik qilishini va Argentina futbol terma jamoasining homiysi bo'lishini e'lon qildi. Hozirda tomonlar hamkorlikning aniq tafsilotlarini e'lon qilishmadi, biroq ko'plab tarmoq foydalanuvchilari Lionel Messi, Anxel Di Mariya, Julian Alvares, Emi Martines va boshqa futbolchilar Xiaomi smartfonlaridan foydalanishni boshlashlarini intiqlik bilan kutishmoqda.

Argentina jamoasi kelasi oy Xitoyga yetib borishi va milliy futbol terma jamoasi bilan o'rtoqlik uchrashuvini o'tkazishi allaqachon ma'lum. Bir necha oy oldin Lionel Messi 2022-yilgi Qatar finalida Fransiya ustidan tarixiy g'alabada qatnashgan Argentina terma jamoasining har bir a'zosi va yordamchi xodimlari uchun 35 ta oltin iPhone smartfoniga buyurtma bergani ma'lum bo'ldi.