Karl Peiy Samsungni ustidan kuldi

OnePlus asoschisi va Nothing bosh direktori Karl Peiy Twitter’da shu hafta taqdim etilgan Samsung Galaxy S23 smartfonlarining yangi qatori haqida so‘rov o‘tkazdi. So‘rovda 34 mingdan ortiq foydalanuvchilar ishtirok etgan bo‘lsa, 55,4 foizi katta o‘zgarishlar bo‘lmagani uchun yangi smartfonlar zerikarli bo‘lib qolganini aytgan. Qolgan 44,6% esa ko‘rganlaridan qoniqish hosil qilgan. Bundan tashqari, Karl Peiy boshqa smartfonlar anonslarida allaqachon foydalanilgan memni nashr etdi. Bu to'g'ridan-to'g'ri Samsung Galaxy S23 Ultra Samsung Galaxy S22 Ultra bilan deyarli bir xil ekanligiga ishora qiladi.

Avvalroq, Twitter’da shunga o‘xshash nashrlar Karl Peiy avval ishlagan OnePlus kompaniyasi tomonidan tayyorlangan.