Ilon Mask iyul oyida orbitaga chiqishi kerak bo'lgan ulkan Starship SN24 va Super Heavy Booster 7 ni ko'rsatdi.

Tesla va SpaceX asoschisi Twitter’dagi sahifasida shu yozda orbitaga chiqishi kerak bo‘lgan Starship SN24 kosmik kemasi va Super Heavy Booster 7 raketasi suratlarini joylashtirdi.

Eslatib o‘tamiz, kompaniya bu hafta Federal aviatsiya ma’muriyati (FAA) tomonidan belgilangan atrof-muhitga ta’sir qilish talablariga javob berish ustida ishlamoqda. Shu bilan birga, Ilon Mask iyul oyigacha kompaniya Starship raketasining “uchishga tayyor” prototipiga ega bo‘lishini allaqachon aytgan edi. Uning qo‘shimcha qilishicha, kompaniya “avgust oyida uchishga tayyor bo‘lgan ikkinchi Starship prototipiga ega bo‘ladi” va “har oyda” parvoz qilishni rejalashtirmoqda.

Manbalarda aytilishicha, SpaceX Booster 8 ni qurishni deyarli yakunlagan va Starship SN25 ni yaratishga kirishgan. Starship SN26, SN27 va Booster 9 ning birinchi qismlari ham Starbase-da kuzatilgan.

Ayni paytda, Starship SN24 va Super Heavy Booster 7 hali tugallanmagan. Ikkalasi ham yaqinda bir nechta muvaffaqiyatli kriogen va konstruktiv sinovlarni yakunladilar va SpaceX yig'ish sexlariga qaytib kelishdi, u erda ishchilar Raptor dvigatellarini o'rnatishni va tugatish ishlarini boshlashdi.

SpaceX hech qachon Starshipning birinchi orbital parvoziga bu qadar yaqin bo'lmagan. Kompaniyaga omad tilash qoladi