Android 14 da One UI 6.0 ning barqaror versiyasi Samsung Galaxy S21, Galaxy S21 Plus va Galaxy S21 Ultra uchun chiqarildi

Joriy flagman Galaxy S23’dan so‘ng, 2021-yilgi flagmanlar – Samsung Galaxy S21, Galaxy S21 Plus va Galaxy S21 Ultra uchun Android 14 asosidagi One UI 6.0 mikrodasturining yakuniy versiyasi chiqarildi. Sammobile maʼlumotlariga koʻra, ushbu yangilanish Yevropadagi smartfonlar uchun mavjud.

Dastur hajmi 2,28 GB va G99xBXXU9FWK2 belgisiga ega. Yangilanish hozirda Shveytsariyada mavjud, biroq asta-sekin ko'proq mamlakatlarni qamrab oladi.

Yevropa boʻyicha avval eʼlon qilingan yoʻl xaritasida 2024-yil martigacha 35 ta smartfon va 19 ta Samsung planshet modeli One UI 6.0 ni olishini koʻrsatgan edi.